حاسب من الاحزان و حاسب لها
حاسب على بلاويك من حبلها
راح تنتهى و لابد راح تنتهى
مش انتهت احزان من قبلها!!
غمض عينيك و ارقص بخفة و دلع
دى الدنيا هى الشابة و انت الجدع
تشوف رشاقة خطوتك تعبدك
لكن انت لو بصيت لرجليك تقع!!
إقلع غماك يا تور وارفض تلف
إكسر تروس الساقية واشتم وتِف
قال: بس خطوة كمان.. وخطوة كمان
يااوصل نهاية السكة ياالبير تجف
عجبي!!
انا كل يوم أسمع.. فلان عذّبوه
أسرح في بغداد والجزاير واتوه
ما أعجبش م اللي يطيق بجسمه العذاب
واعجب من اللي يطيق يعذّب أخوه
عجبي!!
ورا كل شباك ألف عين مفتوحين
و انا وانتي ماشيين ياغرامي الحزين
لو التصقنا نموت بضربة حجر
و لو افترقنا نموت متحسّرين
عجبي!!
أنا اللى بالأمر المحال اغتوى
شفت القمر نطيت لفوق فى الهوا
طلته ماطلتوش ايه انا يهمنى
مادام بالنشوة قلبى ارتوى
عجبى!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًود
ًتمـــــــــص فيه يا حلو .. و يمص فيك
عجبي !!!
مـــع ان كـــــل الخـــلق من أصـــــــــل طيـــن
وكلهـــــــــــــم بينزلـــــــــوا مغمّـــــضـــــــين
بعـــــــد الدقـــــــايق والشهـــــور والســــــنين
تلاقى ناس أشـــــــــــرار ونــــــــاس طيبيـــــن
عجبى !!
دخل الربيع يضحك لقاني حزين
نده الربيع على اسمي لم قلت مين
حط الربيع أزهاره جنبي وراح
وايش تعمل الأزهار للميتين
عجبي!!
الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!
نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!
- الدنيا من غير الربيع ميته
ورقة شجر ضعفــــانه و مفتته-
لا يا جدع غلطان تأمل وشوف
زهر الشتا طالع في عز الشـتا
عجبي !!
ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كـــــبار
و ما لكش غير منقار و قادر تعيش
عجبي !!
سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــت أنا
ده اللي يخاف م الوعد يبقي عبيط
عجبي !!
جالك أوان ووقفت موقف وجـــود
يا تجود بده يا قلبي يا بده تجــود
ما حد يقدر يبقي علي كل شـــيء
مع إن – عجبي – كل شئ موجود
عجبي !!
يا مشرط الجراح أمانة علـــــيك
وأنت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!!
كيف شفت قلبي و النبي يا طبيب
همد و مات و الا سامع له دبيب
قاللي لقيته مختنق بالدموع
و ما لوش دوا غير لمسه من إيد حبيب
عجبي !!
صوتك يا بنت الإيه كأنه بدن
يرقص يزيح الهم يمحي الشجن
يا حلوتي و بدنك كأنه كلام
كلام فلاسفه سكروا نسيوا الزمن
عجبي !!
لو فيه سلام في الأرض وطمان و أمن
لو كان مفيش و لا فقر و لا خوف جبن
لو يملك الانسان مصير كل شــيء
انا كنت اجيب للدنيا ميت ألف ابن
عجبي!!
حاسب على بلاويك من حبلها
راح تنتهى و لابد راح تنتهى
مش انتهت احزان من قبلها!!
غمض عينيك و ارقص بخفة و دلع
دى الدنيا هى الشابة و انت الجدع
تشوف رشاقة خطوتك تعبدك
لكن انت لو بصيت لرجليك تقع!!
إقلع غماك يا تور وارفض تلف
إكسر تروس الساقية واشتم وتِف
قال: بس خطوة كمان.. وخطوة كمان
يااوصل نهاية السكة ياالبير تجف
عجبي!!
انا كل يوم أسمع.. فلان عذّبوه
أسرح في بغداد والجزاير واتوه
ما أعجبش م اللي يطيق بجسمه العذاب
واعجب من اللي يطيق يعذّب أخوه
عجبي!!
ورا كل شباك ألف عين مفتوحين
و انا وانتي ماشيين ياغرامي الحزين
لو التصقنا نموت بضربة حجر
و لو افترقنا نموت متحسّرين
عجبي!!
أنا اللى بالأمر المحال اغتوى
شفت القمر نطيت لفوق فى الهوا
طلته ماطلتوش ايه انا يهمنى
مادام بالنشوة قلبى ارتوى
عجبى!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًود
ًتمـــــــــص فيه يا حلو .. و يمص فيك
عجبي !!!
مـــع ان كـــــل الخـــلق من أصـــــــــل طيـــن
وكلهـــــــــــــم بينزلـــــــــوا مغمّـــــضـــــــين
بعـــــــد الدقـــــــايق والشهـــــور والســــــنين
تلاقى ناس أشـــــــــــرار ونــــــــاس طيبيـــــن
عجبى !!
دخل الربيع يضحك لقاني حزين
نده الربيع على اسمي لم قلت مين
حط الربيع أزهاره جنبي وراح
وايش تعمل الأزهار للميتين
عجبي!!
الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!
نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!
- الدنيا من غير الربيع ميته
ورقة شجر ضعفــــانه و مفتته-
لا يا جدع غلطان تأمل وشوف
زهر الشتا طالع في عز الشـتا
عجبي !!
ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كـــــبار
و ما لكش غير منقار و قادر تعيش
عجبي !!
سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــت أنا
ده اللي يخاف م الوعد يبقي عبيط
عجبي !!
جالك أوان ووقفت موقف وجـــود
يا تجود بده يا قلبي يا بده تجــود
ما حد يقدر يبقي علي كل شـــيء
مع إن – عجبي – كل شئ موجود
عجبي !!
يا مشرط الجراح أمانة علـــــيك
وأنت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!!
كيف شفت قلبي و النبي يا طبيب
همد و مات و الا سامع له دبيب
قاللي لقيته مختنق بالدموع
و ما لوش دوا غير لمسه من إيد حبيب
عجبي !!
صوتك يا بنت الإيه كأنه بدن
يرقص يزيح الهم يمحي الشجن
يا حلوتي و بدنك كأنه كلام
كلام فلاسفه سكروا نسيوا الزمن
عجبي !!
لو فيه سلام في الأرض وطمان و أمن
لو كان مفيش و لا فقر و لا خوف جبن
لو يملك الانسان مصير كل شــيء
انا كنت اجيب للدنيا ميت ألف ابن
عجبي!!
.jpg)
ليست هناك تعليقات:
إرسال تعليق